Лінкі ўнівэрсальнага доступу

МУС: аўтаматчыкі ў Менску зьявіліся ў сувязі зь «неспакойнай сытуацыяй»


У МУС не паведамляюць, якое спэцпадразьдзяленьне патрулюе з аўтаматамі Кастрычніцкую плошчу Менску ды іншыя грамадзкія месцы.

Сёньня ў цэнтры сталіцы заўважылі байцоў у чорнай уніформе, узброеных сучаснымі аўтаматамі нямецкай вытворчасьці.

З просьбай патлумачыць патрэбу ў такіх патрулях Свабода зьвярнулася да начальніка ўпраўленьня інфармацыі і грамадзкіх сувязяў Міністэрства ўнутраных спраў Канстанціна Шалькевіча:

«Навошта вам, якая розьніца? Якому падразьдзяленьню загадана, такое і патрулюе. Сэнс пытаньня?»

Карэспандэнт: «Калі на вуліцу выходзяць аўтаматчыкі — гэта ўжо захады не будзённыя...»

«Вы ўвогуле інфармацыйнай сытуацыяй валодаеце, чытаеце навіны, якія штодня паступаюць? Калі так, то бачыце, як усё цяпер неспакойна. Вось гэтыя захады і зьвязаныя з той неспакойнай сытуацыяй, зразумела».

Сёньня раніцай два чалавекі з аўтаматамі былі заўважаныя на Кастрычніцкай плошчы ў Менску, яшчэ два былі ў мэтро. Яны ўзброеныя нямецкімі MP5, што нядаўна паступілі на ўзбраеньне да беларускіх спэцслужбаў.

Глядзець камэнтары (23)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG