Лінкі ўнівэрсальнага доступу

Зьявіўся рахунак для збору грошай на пратэз інваліду-«недармаеду» зь Пінску


Жыхар Пінску Мікалай Крычко на «Маршы недармаедаў»

Жыхар Пінску, 77-гадовы Мікалай Крычко ў жывым эфіры відэатрансьляцыі Свабоды зь Пінску расказаў, чаму ён выйшаў на акцыю «недармаедаў» 11 сакавіка:

«Я 14 гадоў хаджу на адной назе, не магу купіць пратэза. 6 мільёнаў каштаваў раней, затым стаў 10 мільёнаў, потым яшчэ больш. Не магу сабраць. Пэнсія ў мяне маленькая».

Крычко мае ад дзяржавы пратэз, але карыстацца ім ня можа. Прылада, якую яму выдалі ў цэнтры сацабслугоўваньня, вельмі грувасткая і цяжкая. Мікалай Трафімавіч скардзіцца, што зь ёй практычна нельга хадзіць.

Праваабаронца з Гомеля Леанід Судаленка адшукаў Мікалая Крычка і дапамог стварыць рахунак, на які неабыякавыя могуць ахвяраваць грошы на пратэз. Цана пратэза будзе вядомая неўзабаве: Крычко ідзе ў РНПЦ трансплянтацыі органаў і тканак, каб даведацца дакладны кошт ізраільскага або нямецкага пратэза нагі, які падыдзе яму. Судаленка абяцае паведаміць пра гэта на сваёй старонцы ў Facebook.

Пакуль жа Судаленка паведамляе рэквізыты, па якіх можна ахвяраваць грошы Мікалаю Крычку:

ААТ «АСБ Беларусбанк», аддзяленьне № 121/134 у Пінску, р/р 000092 (дабрачынны рахунак), атрымальнік — Крычко Мікалай Трафімавіч.

Ваша меркаваньне

Паказаць камэнтары

XS
SM
MD
LG