Афіша
Монапэрформанс Андрэя Саўчанкі «Сад»
Рэжысёр Андрэй Саўчанка ў межах свайго тэатральнага праекту пераасэнсуе праз аднаго героя пʼесу «Сад» Антона Чэхава.
Як кажуць арганізатары, форма монапэрфомансу дазваляе надаць дзее інтымны і сакральны характар, выкарыстаць нязвыклыя для клясычнага твора прыёмы, стварыць асаблівы аўтарскі кантэкст.
Менск, Нацыянальны цэнтар сучасных мастацтваў (вул. Някрасава, 3).
Пачатак а 19:00.
Уваход вольны.
Дата дня
20 сакавіка 1767 году для ўраўнаньня правоў каталікоў і некаталікоў з ініцыятывы расейскага ўраду была створана Слуцкая канфэдэрацыя. Вынікам канфэдэрацыі было ўраўнаньне ў Рэчы Паспалітай правоў праваслаўных і пратэстантаў з каталікамі.
Таксама ў гэты дзень
1815 — Напалеон увайшоў у Парыж пасьля высылкі на выспу Эльба. Гэта падзея ўвайшла ў францускую гісторыю як пачатак «ста дзён» Напалеона.
1933 — у Дахаў пачаў функцыянаваць першы ў нацысцкай Нямеччыне канцэнтрацыйны лягер.
1988 — у Менску на месцы Менскага замчышча адбыўся мітынг у абарону гістарычнага Верхняга гораду і супраць будаўніцтва станцыі мэтро «Няміга».
2003 — пачатак вайсковай апэрацыі ЗША, Вялікабрытаніі, Аўстраліі і Польшчы ў Іраку.
У гэты дзень нарадзіліся
1828 — Генрык Ібсэн, нарвэскі драматург.
1977 — Вадзім Дзевятоўскі, беларускі кідальнік молата.
У памяці
1922 — ад сухотаў памёр Аляксандар Бурбіс, беларускі грамадзка-палітычны і культурны дзяяч.
1976 — памёр Уладзімер Дубоўка, беларускі літаратар і перакладчык.
