Лінкі ўнівэрсальнага доступу

Краіны G20 адмовіліся змагацца з пратэкцыянізмам


Міністры фінансаў краін «Вялікай дваццаткі» не ўключылі ў камюніке па выніках сустрэчы ў Бадэн-Бадэне пункт пра абарону свабоднага гандлю і барацьбу з пратэкцыянізмам пасьля адмовы ЗША падпісаць дакумэнт.

Удзельнікі сустрэчы прынялі толькі заяву пра намер умацоўваць ролю міжнароднага гандлю ў эканоміцы. Міністры фінансаў таксама больш не абяцаюць змагацца з глябальным пацяпленьнем.

Гэта першая сустрэча краін G20 пасьля выбараў прэзыдэнта ЗША. Дональда Трампа, які заступіў на пасаду ў студзені і неаднаразова выказваўся за палітыку пратэкцыянізму. Ён вывеў Злучаныя Штаты з Трансьціхаакіянскага гандлёвага партнэрства і абяцаў павысіць падаткі для кампаніяў, якія пераносяць вытворчасьць з ЗША ў іншыя краіны.

Трамп і палітыкі зь ягонай адміністрацыі таксама крытыкавалі тэорыю глябальнага пацяпленьня, называючы ролю чалавека ў зьмене клімату выдумкай.

XS
SM
MD
LG