Лінкі ўнівэрсальнага доступу

Прадстаўнікі сырыйскай апазыцыі заявілі пра байкот перамоваў у Астане


Папярэдні раўнд мірных перамоваў па Сырыі, Астана, люты 2017 году

Прадстаўнікі сырыйскіх апазыцыйных групаў заявілі, што яны ня будуць удзельнічаць у заплянаваных на 14 сакавіка ў сталіцы Казахстану Астане мірных перамовах. Сваё рашэньне яны тлумачаць нежаданьнем Расеі і Сырыі выконваць заключаныя ў сьнежні дамоўленасьці аб спыненьні агню.

«Расея працягвае свае злачынствы ў Сырыі супраць цывільнага насельніцтва і падтрымку злачынстваў сырыйскага рэжыму», — сказаў адзін з прадстаўнікоў апазыцыі Усама Абу Зайд.

Сырыйскія паўстанцкія групы 11 сакавіка заклікалі адкласьці перамовы ў Казахстане і заявілі, што наступныя кантакты будуць залежаць ад таго, ці сырыйскі ўрад і ягоныя саюзьнікі далучацца да спыненьня агню.

Апазыцыянэры заявілі, што ўрадавыя сілы і тыя, якія падтрымліваюцца Іранам, працягваюць бамбаваць раёны паблізу Дамаску, Хомса, Дэраа і Ідліба, а таксама рыхтуюцца да штурму двух раёнаў на ўскраіне сырыйскай сталіцы.

XS
SM
MD
LG