Лінкі ўнівэрсальнага доступу

Міліцыянты на плошчы ў Пінску параілі блогеру патэлефанаваць на 102. ВІДЭА


Каля паўтысячы жыхароў Пінску выйшлі на плошчу Леніна з патрабаваньнем поўнай адмены дэкрэту № 3, а таксама каб выказаць сваё абурэньне.

Акцыя была мірнай. Адзіным інцыдэнтам стала спроба затрыманьня гомельскага блогера Максіма Філіповіча. Яго схапілі трое невядомых у цывільным. Падчас нападу яны зьбівалі Максіма, цягнулі па сходах да аўтазаку, які стаяў за плошчай. Але прысутныя на плошчы кінуліся на дапамогу і невядомыя адступілі.

Пазьней Максім Філіповіч пазнаў іх сярод мітынгоўцаў і зьвярнуўся да міліцыянтаў, якія былі на плошчы. Тыя параілі яму патэлефанаваць на нумар 102.

Гомельскі блогер кажа, што такой колькасьці міліцыянтаў, што былі сьцягнутыя да галоўнай плошчы ён ня бачыў у іншых гарадах. Сярод праваахоўнікаў былі нават кіраўнікі міліцыі зь Берасьця.

Ваша меркаваньне

Паказаць камэнтары

XS
SM
MD
LG