Група археолягаў з Эгіпту і Нямеччыны знайшла ў Каіры фрагмэнты статуі фараона Рамзэса II. Паводле навукоўцаў, ад статуі засталіся частка галавы і бюст. Іх знайшлі напаўзатопленымі ў грунтовых водах.
Фрагмэнты статуі былі выяўленыя недалёка ад руін палаца Рамзэса II у старажытным горадзе Геліопаль, які цяпер зьяўляецца часткай Каіру.
Рамзэс II кіраваў Старажытным Егіптам з 1279 па 1213 год да нашай эры. У 1881 годзе мумія фараона была знойдзена ў грабніцы ў Дэйр эль-Бахр.
