Лінкі ўнівэрсальнага доступу

Польшча адмовілася падпісаць выніковы дакумэнт саміту ЭЗ з-за Туска


Бэата Шыдла

Польшча ў знак пратэсту не падпісала выніковы дакумэнт саміту Эўразьвязу ў Бруселі, на якім Дональд Туск быў пераабраны старшынём Эўрапейскай Рады.

Паводле польскага прэм’ер-міністра Бэаты Шыдла, саміт нельга лічыць такім, які адбыўся, паколькі рашэньне аб пераабраньні Туска не было ўзгоднена з Варшавай. Адмова Польшчы ад падпісаньня дакумэнту ня будзе мець юрыдычных наступстваў.

На саміце 9 сакавіка кандыдатуру былога прэм’ер-міністра Польшчы Дональда Туска падтрымалі 27 з 28 кіраўнікоў краінаў Эўразьвязу. Супраць выступіла Польшча. Кіраўніцтва кіруючай партыі «Права і справядлівасьць» заявіла, што Туск падтрымлівае апазыцыю, якая «хоча скінуць урад».

Туск стаў старшынём Эўрапейскай Рады 1 сьнежня 2014 году. Пасьля пераабраньня яго мандат быў падоўжаны да сьнежня 2019 году. Адзін чалавек можа займаць гэтую пасаду ня больш за два тэрміны.

XS
SM
MD
LG