Лінкі ўнівэрсальнага доступу

Палата прадстаўнікоў ЗША прагаласавала за забарону супрацоўніцтва з «Рособоронэкспортом»


Будынак Кангрэсу ЗША ў Вашынгтоне

Палата прадстаўнікоў ЗША ўхваліла законапраект аб фінансаваньні вайсковых выдаткаў у памеры 578 мільярдаў даляраў.

Дакумэнт, які дазволіць узброеным сілам ЗША функцыянаваць да канца верасьня, утрымлівае фармулёўкі, якія забараняюць супрацоўніцтва з «Рособоронэкспортом» — адзінай расейскай дзяржаўнай кампаніяй, якая займаецца экспартам зброі і прадукцыі падвойнага прызначэньня.

Голас Амэрыкі паведамляе, што законапраект быў ухвалены 8 сакавіка 371 голасам «за» пры 48 галасах «супраць» і цяпер паступіць на разгляд у Сэнат.

Адміністрацыя Дональда Трампа рыхтуе дадатак да законапраекту, які прадугледжвае выдаткі ў памеры 30 мільярдаў даляраў, у выкананьне абяцаньняў прэзыдэнта аднавіць «зьнясіленыя», паводле яго словаў, узброеныя сілы.

Законапраект уключае выдаткі ў суме 516 мільярдаў даляраў на фінансаваньне асноўных патрэбаў вайскоўцаў. Каля 62 мільярдаў вылучаецца на фінансаваньне бягучых вайсковых апэрацый у Аўганістане, Іраку і іншых краінах.

«Ніякія з гэтых сродкаў ня могуць быць выкарыстаны міністрам абароны для заключэньня кантрактаў з «Рособоронэкспортом», — агаворваецца ў дакумэнце.

У ім таксама ўказваецца, што гэта забарона павінен дзейнічаць да таго часу, пакуль расейская карпарацыя ня спыніць «пастаўкі сьмяротнага вайсковага абсталяваньня Сырыі, а таксама пакуль расейскія ўзброеныя сілы не пакінуць Крым».

XS
SM
MD
LG