Злучаныя Штаты разглядаюць «усе магчымыя варыянты» адказу на чарговыя ракетныя выпрабаваньні Паўночнай Карэі, заявіла пастаянная прадстаўніца ЗША пры ААН Нікі Хэйлі.
Камэнтуючы прапанову Кітая спыніць вайсковыя вучэньні з Паўднёвай Карэяй у абмен на спыненьне выпрабаваньняў Паўночнай Карэі, Хэйлі заявіла, што Вашынгтон «павінен убачыць хаця б нейкую пазытыўную рэакцыю КНДР».
У аўторак ЗША пачалі разгортваць сыстэмы супрацьракетнай абароны ў Паўднёвай Карэі ў адказ на чарговыя выпрабаваньні балістычных ракет у КНДР. Незадаволенасьць разьмяшчэньнем супрацьракетных сыстэм выказалі прадстаўнікі Расеі і Кітаю.
У ноч на 6 сакавіка паўднёвакарэйскія вайскоўцы зафіксавалі пуск чатырох ракет з палігону ў Паўночнай Карэі. Папярэднія ракетныя тэсты КНДР правялі ў сярэдзіне лютага.
