Лінкі ўнівэрсальнага доступу

Расея пацьвердзіла інфармацыю пра гібель вайскоўца ў Сырыі


Расейскія вайскоўцы ў Сырыі

У Міністэрстве абароны Расеі пацьвердзілі інфармацыю пра гібель у Сырыі расійскага вайскоўца Арцёма Гарбунова. Пра гэта паведамляе агенцтва «Інтэрфакс».

У Мінабароны сьцьвярджаюць, што Гарбуноў загінуў пад Пальмірай у баі з тэрарыстамі групоўкі «Ісламская дзяржава».

Пра гібель 24-гадовага Гарбунова раней паведаміла незалежная група дасьледчыкаў Conflict Intelligence Team. Пазьней пра гэта таксама напісала расейская газэта «Коммерсант».

У панядзелак стала вядома пра гібель у Сірыі яшчэ аднаго расейскага вайскоўца — 23-гадовага Івана Слышкіна. Паводле дадзеных агенцтва РБК, ён служыў у шэрагах незарэгістраванай прыватнай вайсковай кампаніі «Група Вагнера».

Гэтую інфармацыю ў Мінабароны Расеі не пацьвярджаюць, але і не абвяргаюць. У адказ на запыт «Інтэрфаксу» ў ведамстве толькі заявілі, што Слышкін у 2013 годзе быў звольнены ў запас.

Паводле афіцыйных дадзеных, за паўтара года ваеннай апэрацыі ў Сырыі загінулі каля 30 расейскіх вайскоўцаў.

Ваша меркаваньне

Паказаць камэнтары

XS
SM
MD
LG