Людзі не дачакаліся і пайшлі маршам па Берасьці #дармаеды https://t.co/NU90rdO1B4
— Радыё Свабода (@svaboda) 5.3.2017
Дыскусія ў гарвыканкаме працягваецца
Жанчына ў залі патрабуе пазбавіць ільготаў і павышаных пэнсіяў чыноўнікаў, якія маюць 20 гадоў стажу як дзяржслужачыя. Рагачук тлумачыць, што берасьцейскія дэпутаты гарсавету ніякіх ільготаў ня маюць.
У гэты час частка пратэстоўцаў ідзе па цэнтры гораду калёнай па праезнай частцы, сыгналяць машыны, якія стаяць у корку.
Калёна перайшла на ходнік.
Людзі далучаюцца да маршу, аўто падтрымліваюць #дармаеды https://t.co/0QKyQP3MJY
— Радыё Свабода (@svaboda) 5.3.2017
"Жыве Беларусь!" і "Далучайся!"
Пратэстоўцы на вуліцы Савецкай Берасьця скандуюць "Жыве Беларусь!" і "Далучайся!" Людзі нясуць бел-чырвона-белыя сьцягі і чорныя сьцягі анархістаў.
«Лукашэнка, сыходзь!» — крычаць пратэстоўцы, іх ідзе па вуліцы Савецкай каля 400 чалавек.
«Выйдзі на вуліцу, вярні сабе горад» — зьявіўся і такі лёзунг, які крычаць папераменна зь «Не — дэкрэту нумар тры, Лукашэнка, сыходзь!», «Жыве Беларусь!» і «Наша рашэньне — самакіраваньне».
Калёна расьце. На вока - ужо каля 1000 чалавек Фота @pr0tez #дармаеды https://t.co/nrU1eeNPrl
— Радыё Свабода (@svaboda) 5.3.2017
Калёна расьцягнулся на сотні мэтраў. Скандуюць "Лукашэнка, сыходзь!" #дармаеды https://t.co/EieCFNu7Uu
— Радыё Свабода (@svaboda) 5.3.2017
Шмат берасьцейцаў па ходу калёны далучаюцца да пратэстоўцаў, народу значна паболела.
Ужо некалькі тысячаў чалавек у Берасьці! І новыя ўсё падыходзяць #дармаеды https://t.co/oSa6HOmkQ0
— Радыё Свабода (@svaboda) 5.3.2017
Пратэстоўцы заблякавалі праспэкт Машэрава
У авангардзе калёны, якая спыніла рух машын на праспэкце Машэрава, былі анархісты, якія хацелі паказаць сваю рашучасьць, але праз некалькі хвілін рух машын аднавілі.
Пратэстоўцы заблякавалі праспэкт у Берасьці, Аўто сыгналяць і падтрымліваюць #дармаеды
— Радыё Свабода (@svaboda) 5.3.2017
Людзі на невялікі час заблякавалі праспэкт у Берасьці #дармаеды https://t.co/mxogiNt2PC
— Радыё Свабода (@svaboda) 5.3.2017
Анархісты перакрылі рух на праспэкце Машэрава ў Берасьці, машыны сыгналяць. Бальшыня калёны — на ходніках.
Людзі занялі плошчу перад берасьцейскім ЦУМам.
Пратэстоўцаў заклікалі на акцыю на Дзень волі
Акцыі будуць працягвацца, заявілі ля ЦУМу арганізатары маршу і заклікалі выходзіць 25 сакавіка ў Берасьці, а 11 сакавіка -- у Пінску.
Акцыя скончылася
Людзі разыходзяцца. Анархісты сыходзяць разам, трымаючыся за рукі.
«Людзі нас падтрымалі», — лідэр пратэсту
Лідэр берасьцейскай акцыі недармаедаў Аляксандар Кабанаў выказаў у эфіры Свабоды сваё задавальненьне маршам:
«Людзі нас падтрымліваюць».