Лінкі ўнівэрсальнага доступу

У Македоніі тысячы людзей другія суткі пратэстуюць супраць другой афіцыйнай мовы


Тысячы дэманстрантаў у Скопʼе і іншых гарадах Македоніі 28 лютага другія суткі пратэставалі супраць патрабаваньняў этнічных альбанскіх партый зрабіць альбанскую другой афіцыйнай мовай краіны.

Пратэсты ўзначальвае кансэрватыўная партыя «Унутраная македонская рэвалюцыйная арганізацыя — Дэмакратычная партыя за македонскае нацыянальнае адзінства».

Этнічныя альбанцы складаюць амаль чвэрць насельніцтва Македоніі, у якой у агульнай складанасьці пражывае 2,1 мільёна чалавек. Альбанская ўжо зьяўляецца афіцыйнай мовай у раёнах пражываньня гэтага меншасьці. Але этнічныя альбанскія партыі жадаюць афіцыйнага статусу па ўсёй краіне, у рэалізацыі гэтых патрабаваньняў ім дапамагае тое, што альбанскія прадстаўнікі атрымалі «залатую акцыю» на парлямэнцкіх выбарах у сьнежні.

Пратэсты пачаліся пасьля таго, як лідэр апазыцыйных сацыял-дэмакратаў Зоран Заеў заявіў аб падтрымцы фарміраваньня новага ўраду пад яго кіраўніцтвам трыма партыямі альбанскай меншасьці. Гэтыя партыі паставілі падтрымку кааліцыйнага ўрада пад кіраўніцтвам Заева ў залежнасьць ад прыняцьця «моўнага» закону.

XS
SM
MD
LG