Лінкі ўнівэрсальнага доступу

Чэскія СМІ: у паветры Эўропы зьявіўся радыеактыўны ёд


Прага

У паветры Чэхіі і яшчэ шасьці эўрапейскіх краінаў знойдзены радыеактыўны ёд невядомага паходжаньня.

Чэскія СМІ, якія пра гэта паведамляюць, пішуць, што зьяўленьне радыеактыўнага ізатопу ёду-131 зьвязанае з чалавечай дзейнасьцю. Яны адзначаюць, што паводле інфармацыі францускага Інстытуту радыяцыйнай абароны, колькасьць ізатопу ёду ў паветры вельмі нізкая, таму ён не ўяўляе пагрозы для здароўя і жыцьця людзей.

Адкуль узяўся радыеактыўны ізатоп ёду ў паветры, пакуль незразумела. Некаторыя СМІ спэкулююць пра яго расейскае паходжаньне ў сувязі з тым, што наяўнасьць ізатопу першай зарэгістравала нарвэская станцыя каля межаў з Расеяй.

Старшыня Дзяржаўнага камітэту ядзернай бясьпекі Чэхіі Дана Дробава пацьвердзіла, што колькасьць радыеактыўнага ёду ў атмасфэры Чэхіі вельмі нізкая і небясьпекі для здароўя людзей не ўяўляе.

Як паведамляецца, пасьля нарвэскай станцыі павышаную прысутнасьць радыеактыўных часьціц ёду ў атмасфэры пацьвердзіла станцыя ў Фінляндыі, а потым пра гэта заявілі ў Польшчы, Нямеччыне, Францыі, Гішпаніі і Чэхіі.

Ёд-131 — радыенуклід з параўнальна кароткім пэрыядам паўраспаду (8 дзён). Таму згаданы францускі Інстытут радыяцыйнай абароны робіць выснову, што працёк ёду адбылася нядаўна.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG