Лінкі ўнівэрсальнага доступу

Ужо сёньня: Міжнародны дзень роднай мовы


Падзеі 21 лютага ў беларускай і сусьветнай гісторыі, а таксама афіша на сёньня.

Афіша

Сьвята роднай мовы ў клюбе «Грай»

«Арт Сядзіба» хоча паказаць, што беларуская мова ня толькі жыве і разьвіваецца, але і натхняе мноства людзей на цікавыя ды яскравыя праекты.

Менск, клюб «Грай» (вул. Інтэрнацыянальная, 33).

Пачатак а 18-й гадзіне.

Квіток каштуе: 5 рублёў.

Дата дня

21 лютага ў сьвеце адзначаецца Міжнародны дзень роднай мовы. Ён быў абвешчаны UNESCO ў 1999 годзе.

У гэты дзень ва ўнівэрсытэтах і клюбах праходзяць адмысловыя імпрэзы і акцыі, у сацыяльных сетках і СМІ зьяўляюцца публікацыі, абвяшчаюцца конкурсы і г.д. пра беларускую мову.

Дзень у гісторыі

1916 — падчас Першай усясьветнай вайны пачалася бітва пры Вэрдэне.

1981 — у мюнхэнскім будынку радыёстанцыі Радыё Свабода адбыўся выбух, зладжаны на замову румынскіх органаў дзяржбясьпекі.

1986 — заснаваны біялягічны заказьнік «Ружанская пушча».

У гэты дзень нарадзіліся

1962 — Чак Паланік, амэрыканскі пісьменьнік.

1966 — Юры Бохан, беларускі гісторык і археоляг.

У памяці

1939 — памёр Вячаслаў Адамовіч, дзяяч нацыянальнага руху, адзін з заснавальнікаў сялянскай партыі «Зялёны дуб».

1967 — памёр Юры Тарыч, беларускі кінарэжысэр, сцэнарыст, заснавальнік беларускай мастацкай кінэматаграфіі.

1974 — памёр Лявон Савёнак, пісьменьнік, журналіст, дзяяч эміграцыі ў Нямеччыне і ЗША.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG