Лінкі ўнівэрсальнага доступу

V значыць Vitaŭt! Спампуй новыя стыкеры Радыё Свабода для Telegram


Радыё Свабода прадстаўляе ўжо другі набор стыкераў для Telegram — бясьпечнага мэсэнджэра Паўла Дурава. Дзесяць стыкераў, як мы спадзяёмся, спадабаюцца аматарам беларускай гісторыі: у перапіску ўступаюць Вітаўт, Альгерд, Гедзімін, Кейстут і Рагвалод.

Спампаваць стыкеры можна бясплатна, перайшоўшы па спасылцы: https://t.me/addstickers/svabodaradio

Летам мінулага году Свабода прадставіла набор стыкераў «Свабоду ўсім». Таксама ў Telegram можна падпісацца на навіны Свабоды: калі вы пяройдзеце па спасылцы і падпішацеся, раз на суткі вам будзе прыходзіць агляд найцікавейшага за дзень, зрэдчас — экстраныя навіны.

Некалькі іншых карысных спасылак у Telegram:

Беларускі інтэрфэйс;

Стыкеры з Аляксандрам Лукашэнкам і Тацянай Караткевіч;

Стыкеры з «Пагоняй» і бела-чырвона-белым сьцягам: Symbals of Belarus, Flag of Belarus і Pagonya;

Беларускамоўныя стыкеры-віншаванкі.

Telegram адметны бясьпекай перапіскі — гэта адзін з тых бясьпечных мэсэнджэраў, у якіх паведамленьні карыстальнікаў зашыфраваныя і надзейна абароненыя ад зламысьнікаў і спэцслужбаў. Былы супрацоўнік АНБ Эдвард Сноўдэн раскрытыкаваў праграму за тое, што стандартныя налады ў ёй недастаткова бясьпечныя, Павал Дураў жа адказаў, што карыстальнікам часьцей зручна мець сынхранізацыю паведамленьняў, а для тых, хто не давярае аўтарам праграмы, існуе функцыя «сакрэтных чатаў», да якіх нават самі аўтары праграмы ня могуць мець ніякага доступу.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG