Лінкі ўнівэрсальнага доступу

Французы ў апытаньні вызначылі фаварыта прэзыдэнцкай гонкі


Францускія выбаршчыкі лічаць, што ў выпадку выхаду ў другі тур прэзыдэнцкіх выбараў, перамогу можа атрымаць незалежны кандыдат, палітык левага накірунку Эмануэль Макрон.

Паводле дадзеных апошніх апытаньняў, яго могуць падтрымаць 63 адсоткі выбаршчыкаў, тады як лідэра ўльтраправых Марын Ле Пэн — толькі 37 адсоткаў.

Па апытаньнях, лідэрам першага тура па-ранейшаму застаецца Марын Ле Пэн (26 працэнтаў галасоў), на другім месцы — Макрон (22 адсоткі), на трэцім кандыдат кансэрватараў Франсуа Фіён (21 працэнт).

13 лютага кіраўнік руху «Наперад!», у які ўваходзіць Макрон, — Рышар Фэран, заклікаў урад прыняць захады супраць спробаў паўплываць на прэзыдэнцкія выбары. Фэрнан заявіў, што сайт Макрона падвяргаецца расейскім кібератакам, а расейскія СМІ — RT, «Спутнік» і іншыя распаўсюджваюць «фэйкавыя навіны» пра рух «Наперад!».

Тэлеканал RT выказаў абурэньне ў сувязі з такімі абвінавачваньнямі і катэгарычна адпрэчыў сваю датычнасьць да распаўсюду «фэйкавых навінаў» — як у цэлым, так і ў дачыненьні да Эмануэля Макрона і маючых адбыцца выбараў у Францыі.

Прэзыдэнцкія выбары ў Францыі пройдуць у два туры — 23 красавіка і 7 траўня.

XS
SM
MD
LG