Вакол Эйфэлевай вежы ўжо ўстаноўлена мэталічная агароджа — яе ўзьвялі «часова» на пэрыяд правядзеньня чэмпіянату Эўропы па футболе ў чэрвені мінулага года. Нягледзячы на захады засьцярогі, футбольныя фанаты падчас масавых беспарадкаў прарвалі паліцэйскае ачапленьне і пералезьлі праз плот.
Новы ахоўны барʼер стане вышэй існуючага: плянуецца ўстаноўка лістоў куленепрабівальнага шкла вышынёй 2,5 мэтра. Згодна з праектам, будаўніцта сьцяны будзе каштаваць каля 20 млн эўра.