Лінкі ўнівэрсальнага доступу

Украінскія міты пра эканамічны росквіт Беларусі


Большасьць украінцаў прыхільна ставяцца да беларусаў, пры гэтым больш за 60 адсоткаў апытаных станоўча ставяцца да прэзыдэнта Беларусі Аляксандра Лукашэнкі.

Пра гэта сьведчаць вынікі апытаньняў, якія правялі сацыёлягі групы «Рэйтынг».

Ці ня больш за ўсё ўкраінцам імпануюць парадак і чысьціня на вуліцах гарадоў, сучасныя аўтамагістралі, а некаторыя нават зайздросьцяць: маўляў, у беларусаў эканоміка стабільная, зарплаты нармальныя, і нават прымудрыліся з Расеяй не сварыцца.

Але незалежныя экспэрты сьцьвярджаюць, што большасьць шараговых украінцаў глядзяць на беларускія рэаліі павярхоўна, а на самай справе ўсё не так стабільна ў эканоміцы і зусім ня проста ў дачыненьнях Менску і Масквы.

Існаваньне ва Ўкраіне міту пра «квітнеючую Беларусь» украінскі палітоляг Ігар Лосеў тлумачыць павярхоўнасьцю поглядаў людзей, якія гэтыя міты распаўсюджваюць, не задумваючыся над тым, што адбываецца ў суседняй дзяржаве:

«Найлепшыя аўтабаны ў Эўропе ў свой час пабудаваў Адольф Гітлер. Парадак на вуліцах — гэта таксама добра, але гэта далёка не галоўнае. Ва Ўкраіне дзейнічае сыстэма алігархічнай дэмакратыі, а ў Беларусі толькі адзін алігарх — гэта сам Аляксандар Рыгоравіч Лукашэнка. І гэта дазваляе яму там падтрымліваць параўнальны парадак. Многія з нашых украінцаў, якія зайздросьцяць беларусам, маўляў, які ў іх парадак, калі ім заўтра пачнуць так затыкаць рот, як у Беларусі затыкаюць, першыя пачнуць выступаць супраць гэтага і пойдуць на Майдан», — адзначыў Лосеў.

Журналістка Натальля Пазьняк-Хаменка родам з Дубравіцы: гэта горад, разьмешчаны непадалёк ад беларуска-ўкраінскай мяжы, дзе можна глядзець беларускую тэлевізію і дзе ўласна цыркулюе больш за ўсё мітаў пра «росквіт Беларусі». Яна тлумачыць гэты фэномэн, сярод іншага, марамі «пра моцную руку», здольную «навесьці парадак». Бо на фоне беспрацоўя і сацыяльных праблемаў на першы погляд беларусы здаюцца больш багатымі і шчасьлівымі:

«Беларусь успрымаецца як краіна, дзе захаваўся Савецкі Саюз зь ягонымі сацыяльнымі гарантыямі, адсутнасьцю беспрацоўя і, так бы мовіць, мінімальнай увагай дзяржавы да людзей. Вялікую ролю ў гэтым міце выконвае беларуская сыстэма аховы здароўя, якая, што ўжо казаць, сапраўды на парадак вышэйшая за нашу. А яшчэ ў нас на Палесьсі зьяўляецца піетэт перад Беларусьсю праз праблемы з бурштынам: у нас гэта ператварылася ў хаос, а там Лукашэнка гэтага не дапусьціў», — распавядае яна Свабодзе.

Чытайце поўны матэрыял на ўкраінскай службе Свабоды:

Українські міфи про економічне «процвітання» Білорусі

XS
SM
MD
LG