«Не, да гэтага часу не ўдалося ўзгадніць гэтыя тэрміны з улікам графікаў кіраўнікоў дзяржаў, таму пакуль дакладных тэрмінаў няма», — цытуе Пяскова «РИА-Новости».
Лукашэнка плянаваў сустрэцца з Пуціным у першай палове лютага, перад пасяджэньнем Вышэйшага дзяржаўнага савету так званай «Саюзнай дзяржавы», каб пагаварыць пра энэргетычныя пытаньні, у тым ліку і «газавае», у межах якога Расея патрабуе ад Беларусі 550 мільёнаў даляраў запазычанасьці.
7 лютага віцэ-прэм’ер Расеі Аркадзь Дварковіч заявіў журналістам, што ў газавым пытаньні зь Беларусьсю «няма зрухаў».
«Пакуль чакаем прапаноў ад нашых калег. На аснове папярэдніх прапаноў у нас няма пагадненьняў. Але ў любым выпадку мы чакаем аплаты за 2016 год», — сказаў Дварковіч.
