Пра гэта паведамляе расейскае інфармацыйнае агенцтва ТАСС. Пра сьмерць Міхаіла Талстых стала вядома ад апэратыўнага камандаваньня самаабвешчанай «ДНР»; вядома, што Гіві загінуў падчас выбуху ў сваім кабінэце ў Данецку.
Гіві ўзначальваў батальён «Самалі», які стаў вядомы падчас баёў у Данецкім аэрапорце. Адзначыўся жорсткім абыходжаньнем з палоннымі ўкраінскімі вайскоўцамі: ён ставіў іх на калені і прымушаў зьесьці сарваныя шаўроны.
17 кастрычніка мінулага году падчас выбуху ў ліфце свайго дома ў Данецку загінуў яшчэ адзін сэпаратысцкі камандзер, Арсэн Паўлаў («Матарола»).
