Маразы, навагоднія абрады, гучныя суды ды пратэсты. Падборка фатаздымкаў Свабоды за першы месяц 2017 году.
Беларускі студзень у фатаздымках Свабоды
1
Супрацоўніцы ТАА «Серж-Фэшн» на вытворчасьці пасьля рэарганізацыі прадпрыемства ды магчымага банкруцтва. 4 студзеня 2017 году.
2
Больш за 100 лебедзяў і качак засталіся на зімоўку на водасховішчы Крыніца каля Менску. Пры экстрэмальнай тэмпэратуры замярзае большая частка вадаёму. Застаецца толькі невялікая палонка. 6 студзеня 2017 году.
3
Валянтэры Чырвонага крыжа Зьміцер і Вераніка у маразы ратуюць кіроўцаў на менскай кальцавой. 6 студзеня 2017 году.
4
У сувязі з моцнымі маразамі ў Беларусі абвешчаны памаранчавы ўзровень небясьпекі. 7 студзеня 2017 году.
5
Пахаваньне ігуменьні Cьвята-Ксеньнеўскага жаночага манастыра маці Васілісы, забітай напярэдадні праваслаўнага Раства. Паводле інфармацыі Барысаўскай япархіі Беларускай праваслаўнай царквы, у нападзе падазраецца 29-гадовая ўраджэнка Казахстану, якая жыла пры манастыры. 8 студзеня 2017 году.
6
Удзельнікі абраду «Калядныя цары» ідуць па мястэчку Семежава Копыльскага раёну Менскай вобласьці. 13 студзеня 2017 году.
7
«Гісторыка-культуралягічны форум» прысьвечаны 500-годзьдзю выданьня Францыскам Скарынай першай беларускай кнігі ў Празе ў Менскім палацы мастацтва прайшоў зь «аншлягам». 14 студзеня 2017 году.
8
Дзяўчына акунаецца падчас Вадохрышча каля храму Усіх Сьвятых у Менску. 18 студзеня 2017 году.
9
32-гадовы баец сталічнага клюбу «Кік Файтэр» Андрэй Кулебін падчас адной з трэніровак у Менску. 19 студзеня 2017 году.
10
Удзельнікі аўтэнтычнага абраду «Цягнуць Каляду на дуба» ў вёсцы Новіны Бярэзінскага раёна водзяць карагод. 21 студзеня 2017 году.
11
Жанчына ў вёсцы Дубітава Брэсцкай вобласьці ідзе дамоў пасьля наведваньня аўталаўкі. 24 студзеня 2017 году.
12
Сьлесар «Барысаўгазу» 36-гадовы Аляксей Лукаш прызнаны вінаватым ў прычыненьні сьмерці празь неасьцярожнасьць: у канцы студзеня 2016 году ад працяканьня газу ў Барысаве загінулі 6 чалавек. 26 студзеня 2017 году.
13
Пратэст жыхароў «Маяк Менску» падчас адкрыцьця гандлёвага цэнтру «Dana Mall» з патрабаваньнем прыцягнуць да адказнасьці за махінацыі і парушэньні сэрбскай фірмы Dana Holdings. 27 студзеня 2017 году.
14
Даўка на уваходзе на разьвітальную цэрымонію з народным артыстам Беларусі Аляксандрам Ціхановічам. 30 студзеня 2017 году.
15
Жыхарку былой вёскі Ржавец ў Менску здымаюць з будаўнічага крана, куды яна забралася ў знак пратэсту супраць рашэньня суда па прадастаўленьню ёй кампэнсацыі за знос яе жытла. 31 студзеня 2017 году.
Катэгорыі
- Мультымэдыя
- Відэа
