Лінкі ўнівэрсальнага доступу

Трамп пагражае пазбавіць унівэрсытэт у Бэрклі фэдэральнага фінансаваньня


Пратэст студэнтаў у Каліфорніі адразу пасьля абраньня Дональда Трампа прэзыдэнтам (ілюстрацыйнае фота).

Прэзыдэнт ЗША Дональд Трамп пагражае пазбавіць фэдэральнага фінансаваньня Каліфарнійскі ўнівэрсытэт у Бэрклі, у якім у сераду адбыліся беспарадкі.

Некалькі соцень студэнтаў і грамадзянскіх актывістаў пратэставалі супраць заплянаванага выступу рэдактара ультракансэрватыўнага інфармацыйнага парталу Breitbart Майла Янопуласа. У часе хваляваньняў у кампусе дэманстранты білі вокны, падпальвалі драўляныя панэлі, кідалі пэтарды і каменьне ў паліцыянтаў, якія ў адказ ужылі сьлезацечны газ.

Унівэрсытэт у Бэрклі часова зачынены. Выступ Янопуласа адмянілі.

Галоўны палітычны дарадца Трампа Стывэн Бэнан раней кіраваў сайтам Breitbart News.

Каліфарнійскі ўнівэрсытэт у Бэрклі – адзін з вядучых грамадзкіх унівэрсытэтаў у Амэрыцы, паводле шэрагу рэйтынгаў, ён уваходзіць у дзесятку найлепшых навучальных устаноў сьвету. Ён існуе на грошы штату і рознага кшталту ахвяраваньні; амаль палова дасьледаваньняў фінансуецца урадам, іншыя праводзяцца за кошт прыватных кантрактаў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG