Лінкі ўнівэрсальнага доступу

Амэрыканцам дазволілі плаціць за рэгістраваныя ФСБ тэхналёгіі да 5 тысяч даляраў на год


Улады ЗША скасавалі адно з абмежаваньняў у дачыненьні да Фэдэральнай службы бясьпекі (ФСБ) Расеі.

Як вынікае з інфармацыі з сайта амэрыканскага міністэрства фінансаў, скасоўваецца частка уведзеных былым прэзыдэнтам Баракам Абамам у канцы 2016 года жорсткіх санкцый супраць ФСБ — амэрыканскім грамадзянам, кампаніям і іншым структурам забаранялася ўступаць у якія-небудзь камэрцыйныя адносіны з названым ведамствам. Санкцыі былі ўведзеныя ў сувязі з кібэратакамі супраць ЗША.

Цяпер жа дазволена выдаткоўваць штогод па 5 тысяч долараў на набыцьцё ў ФСБ Расеі дазволаў на ўвоз праграмных прадуктаў і інфармацыйных тэхналёгій.

Прэсавы сакратар Белага дому Шон Спайсэр на брыфінгу ў Вашынгтоне сказаў, што гэты зьмены не азначаюць зьмякчэньня санкцыяў. Паводле яго, гэта стандартна працэдура, калі Міністэрства фінансаў удакладняе прымяненьне санкцый.

Ваша меркаваньне

Паказаць камэнтары

XS
SM
MD
LG