За былога кіраўніка ExxonMobil галасавалі 56 сэнатараў, супраць былі 43.
Гэтае рашэньне прынятае на фоне напружанасьці паміж рэспубліканцамі і дэмакратамі ў Кангрэсе ў сувязі зь нядаўнім указам прэзыдэнта Дональда Трампа па іміграцыі, які часова забараняе ўезд у ЗША грамадзянам сямі краін з мусульманскай большасьцю.
Новы дзяржсакратар атрымае ў спадчыну шэраг глябальных праблем і выклікаў — у прыватнасьці, грамадзянскую вайну ў Сырыі, ядзерныя амбіцыі Паўночнай Карэі і рост ціску з боку Кітая і Расеі.
На пасадзе кіраўніка амэрыканскай дыпляматыі Тылерсан сутыкнецца і зь неабходнасьцю вырашаць такія адносна новыя праблемы, як рост напружанасьці ў адносінах з Мэксікай з прычыны пытаньня аб фінансаваньні будаўніцтва сьцяны, абяцанай прэзыдэнтам Трампам, і іміграцыйнай забароны.