Лінкі ўнівэрсальнага доступу

Апытаньне: у Літве сталі менш глядзець расейскія тэлеканалы


У 2016 годзе колькасьць жыхароў Літвы, якія рэгулярна глядзяць расейскія тэлеканалы, паменшала амаль на траціну ў параўнаньні з папярэднім годам.

Гэтак вынікае з апытаньня, якое было праведзенае на замову Міністэрства замежных справаў Літвы. Паводле апытаньня, у 2016 годзе навіны і перадачы двух расейскіх тэлеканалаў, «Першага балтыйскага каналу» і «РТР», рэгулярна глядзелі 24% і 14% гледачоў адпаведна. У 2015 годзе гэтыя паказьнікі былі 32% і 26% адпаведна.

«Лягічна, што менш чалавек глядзіць расейскія тэлепраграмы з прычыны ўведзеных забаронаў і таму падобнага. З другога боку, на колкасьць гледачоў паўплывалі анэксія Крыму ды іншыя здарэньні і тэндэнцыі», — пракамэнтаваў вынікі Ўладас Гайдзіс, кіраўнік сацыялягічнай службы, якая праводзіла апытаньне.

Камісія Літоўскага радыё і тэлебачаньня ў лістападзе 2016 году прыпыніла на тры месяцы вяшчаньне «РТР Планета». З-за парушэньняў камісія таксама ўвяла фінансавыя санкцыі супраць каналу «NTV Mir Lithuania».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG