Кіраўнікі МЗС Нямеччыны і Францыі Зыгмар Габрыель і Жан-Марк Эйро ў суботу пасьля перамоваў у Парыжы заявілі журналістам, што для адмены санкцыяў неабходна выкананьне менскіх дамоўленасьцяў аб урэгуляваньні канфлікту на ўсходзе Украіны.
Габрыель заявіў пра згоду з Эйро наконт неабходнасьці трывалага адзінства паміж Францыяй і Нямеччынай пры вырашэньні замежнапалітычных пытаньняў. Кіраўнік МЗС Нямеччыны абвясьціў, што Бэрлін і Парыж створаць двухбаковую рабочую групу вырашаць праблемы, зьвязаныя з Расеяй і Ўкраінай.
Жан-Марк Эйро адзначыў, што візыт Зыгмара Габрыеля ў Парыж адбыўся менш чым праз содні пасьля прызначэньня новага кіраўніка МЗС Нямеччыны.
