Затрыманьне адбылося 26 студзеня.
За стырном грузавіка маркі IVECO STRALIS 2016 году вытворчасьці быў 47-гадовы беларус. Падчас памежнага кантролю выявілася, што грузавік быў скрадзены ў Гішпаніі і знаходзіцца ў вышуку. Скрадзены грузавік ацэньваецца ў амаль 60 тысяч эўра.
Як паведамляе прэс-служба Памежнай службы Польшчы, летась супрацоўнікі Надбужаньскага аддзелу, які абслугоўвае польска-беларускія пераходы, затрымалі крадзеныя аўтамабілі на амаль 3,5 мільёны эўра.
