Вярхоўны суд Грэцыі вынес рашэньне супраць экстрадыцыі ўсіх васьмярых турэцкіх вайскоўцаў, якія ўцяклі ў Грэцыю ў ліпені летась пасьля няўдалай спробы дзяржаўнага перавароту ў Турэччыне. Пра гэта прадстаўнік суду паведаміў у чацьвер агенцтву Reuters.
16 ліпеня летась восем турэцкіх вайскоўцаў прызямліліся на верталёце на поўначы Грэцыі і папрасілі палітычнага прытулку, заявіўшы, што ў Турэччыне яны асьцерагаюцца за сваё жыцьцё.
Турэччына запатрабавала ад Грэцыі іхняй выдачы ў сувязі з тым, што яны ўдзельнічалі ў спробе перавароту, і назвала іх здраднікамі. Усе яны адмаўляюць сваё дачыненьне да спробы зрынуць прэзыдэнта Рэджэпа Эрдагана, якая прывяла да чысткі вайсковых і грамадзянскі службоўцаў.
