Урад Вялікабрытаніі апублікаваў законапраект аб выхадзе з Эўразьвязу.
Абмеркаваньне законапраекту ў брытанскім парлямэнце заплянаванае на 31 студзеня. Рашэньне Палаты Абшчынаў будзе вынесенае 8 лютага.
На гэтым тыдні Вярхоўны суд Вялікабрытаніі абавязаў брытанскі кабінэт міністраў атрымаць ухваленьне парлямэнту, каб задзейнічаць 50-ы артыкул Лісабонскай дамовы, якая запускае працэс выхаду з адзінай Эўропы.
Брытанскі прэм’ер-міністар Тэрэза Мэй раней заяўляла аб плянах пачаць працэдуру выхаду не пазьней за сёлетні сакавік сёлета. Большасьць дэпутатаў брытанскага парлямэнту выступае за захаваньне сяброўства ў Эўразьвязе. Галасаваньне можа значна зацягнуць працэс «Брэкзіту».