Паводле зьвестак «хуткай дапамогі», якія перадае «Вечерний Бишкек», загінулі сама меней 33 чалавекі (у іх ліку чацьвёра з экіпажу), яшчэ прынамсі 9 параненыя (у іх ліку шасьцёра дзяцей ад 5 да 15 гадоў і цяжарная жанчына). Цалкам разбураныя 17 жылых дамоў, усяго пашкоджаныя 43 дамы.
Афіцыйныя вэрсіі катастрофы пакуль няма. Верагодна, што самалёт ня змог зь першага разу зайсьці на пасадку і спрабаваў зайсьці на другі круг. У час катастрофы адзначаліся кепскія ўмовы надвор’я, у тым ліку туман.
На месцы здарэньня працуюць ратаўнікі, туды прыбылі прэм’ер-міністар, міністар транспарту і міністар надзвычайных сытуацыяў.
