Лінкі ўнівэрсальнага доступу

Лукашэнка даручыў дэпутатам разгледзець 33 законапраекты


Прэзыдэнт Беларусі Аляксандар Лукашэнка

Кіраўнік Беларусі праз свой указ зацьвердзіў плян падрыхтоўкі законапраектаў на 2017 год.

У адпаведнасьці з дакумэнтам, у Палату прадстаўнікоў Нацыянальнага сходу будуць падрыхтаваныя і ўнесеныя праекты 33 законаў. Сярод іх 8 законапраектаў бюджэтнага пакету, у тым ліку і праект бюджэту на 2018-ы год. Таксама плянуюцца зьмены і дапаўненьні ў шэраг кодэксаў і законаў. У прыватнасьці, будуць закранутыя законы аб вэтэранах, аўтарскім і сумежным правах, прыватызацыі, аўтамабільных дарогах і дарожнай дзейнасьці, барацьбе з тэрарызмам, радыяцыйнай бясьпецы ды іншыя.

Як адзначылі ў прэсавай службе прэзыдэнта, адзін законапраект («Аб вытворчасьці і звароце арганічнай прадукцыі») зьяўляецца канцэптуальна новым.

Цяпер дэпутаты Палаты прадстаўнікоў працуюць у сваіх выбарчых акругах. А веснавая сэсія традыцыйна пачнецца 2 красавіка.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG