На прэс-канфэрэнцыі ў Белым доме Барак Абама назваў Джозэфа Байдэна найлепшым віцэ-прэзыдэнтам у гісторыі ЗША. Атрымліваючы ўзнагароду, віцэ-прэзыдэнт прасьлязіўся. Мэдаль Свабоды прысуджаецца амэрыканскім прэзыдэнтам і зьяўляецца адной з найвышэйшых цывільных узнагарод. Яе ўручаюць за асаблівы ўклад у бясьпеку і абарону нацыянальных інтарэсаў ЗША.
Байдэн заступіў на пасаду адначасова з Баракам Абамам 20 студзеня 2009 году. Пасьля сыходу ён мае намер працягнуць палітычную дзейнасьць у шэрагах Дэмакратычнай партыі ЗША.
