Пра гэта паведамляе БелаПАН са спасылкай на начальніцу інфармацыйна-аналітычнага аддзелу маніторынгу атмасфэрнага паветра Гідрамэту Багдану Казярук.
«У нас склаліся вельмі неспрыяльныя мэтэаўмовы: пасьля моцнага паўночнага ветру, які забясьпечыў добрую якасьць паветра на сьвяты, у мінулыя суткі ўсталяваўся штыль і назіраюцца прыземныя інвэрсіі. Гэта прыводзіць да таго, што з ускраін сталіцы паступае забруджанае паветра», — сказала Казярук.
Яна патлумачыла, што жыхары Менскага раёну ў сувязі з халодным надвор’ем інтэнсіўна ацяпляюць свае дамы. Пячны дым праз тое, што за горадам больш нізкія тэмпэратуры, «ўцягваецца ў Менск».
«І першым гэта адчуў мікрараён Уручча», — дадала спэцыялістка.
Мэтэаролягі разьлічваюць, што смог у Менску зьнікне да чацьвярга, 12 студзеня.
«Чакаецца зьмена сынаптычнага становішча, узмацненьне ветру, і гэтая зьява зьнікне, паветра ачысьціцца», — прагназуе начальніца аддзелу.
Тым часам сталіца Польшчы Варшава пакутуе ад зімовага смогу. У Польшчы паляць вугалем, у выніку ў марозныя дні дым ад прыватнага сэктару ў Варшаве прывёў да рэкорднага ўзроўню забруджваньня паветра.
