«Галоўным прывілеем ўсяго майго жыцьця было служыць вашым прэзыдэнтам. І, рыхтуючыся перадаць эстафэту і стаць простым грамадзянінам, я з гонарам хачу сказаць, што мы заклалі новы падмурак для Амэрыкі. Мы самі зможам пісаць будучыню», — заявіў Абама, выказваючы надзею на тое , што «найлепшыя дні яшчэ наперадзе».
У сваім пасланьні ён пералічыў шэраг дасягненьняў сваёй каманды, пачаўшы з паляпшэньня эканамічнай сытуацыі і бесьперапыннага ўжо на працягу многіх месяцаў росту колькасьці працоўных месцаў.
Прэзыдэнт ЗША таксама нагадаў пра зьнішчэньне кіраўніка тэрарыстычнай групоўкі «Аль-Каіда» Усамы бін Ладэна, пра вывад войскаў з Іраку і пра скарачэньне прысутнасьці ў Аўганістане.
Кажучы пра замежную палітыку, ён найпер адзначыў нармалізацыю адносін з Кубай.
