Лінкі ўнівэрсальнага доступу

Амбасада Эстоніі ў Менску зь 1 студзеня стала кантактнай амбасадай NATO


Днямі ў амбасадзе Латвіі ў Беларусі адбылася ўрачыстая цырымонія перадачы мандату кантактнай амбасады NATO ад Латвіі да Эстоніі, паведаміла Міністэрства замежных спраў Эстоніі.

Кантактныя амбасады не зьяўляюцца дыпляматычнымі прадстаўніцтвамі NATO ў прымаючай краіне, але адыгрываюць важную ролю ў распаўсюдзе інфармацыі пра Паўночнаатлянтычны альянс.

З пачатку 1990-х гадоў у NATO сфармавалася сетка кантактных амбасадаў для садзейнічаньня мерапрыемствам па лініі партнэрства і грамадзкай дыпляматыі ў краінах-удзельніцах Рады Эўра-Атлянтычнага партнэрства, праграмаў «Партнэрства дзеля міру», «Міжземнаморскі дыялёг» і Стамбульскай ініцыятывы супрацоўніцтва.

У кожнай партнэрскай краіне ёсьць амбасада адной з краінаў-чальцоў NATO, якая выконвае ролю кантактнага пункту для распаўсюду інфармацыі аб ролі і напрамках палітыкі Паўночнаатлянтычнага альянсу.

Амбасада Эстоніі будзе кантактнай амбасадай NATO ў Беларусі да 31 сьнежня 2018 году.

XS
SM
MD
LG