Як удакладняе AFP, дзьве бомбы падарваліся на ажыўленым рынку ў цэнтры гораду, ня менш за 38 чалавек былі параненыя. Як паведамляе Reuters, адно выбуховае прыстасаваньне прывёў у дзеяньне сьмяротнік, другое было закладзенае непадалёк.
Ніхто пакуль ня ўзяў на сябе адказнасьці за напад.
Цяперашнія выбухі — самыя кровапралітныя зь сярэдзіны кастрычніка. Адказнасьць за большасьць падобных нападаў брала на сябе экстрэмісцкая групоўка «Ісламская дзяржава».
У Багдадзе два з паловай месяцы дзейнічае асаблівы рэжым бясьпекі ў сувязі з распачатай 17 кастрычніка найбуйнейшай ваеннай апэрацыяй супраць джыхадзістаў, якія ўтрымліваюць горад Масул на поўначы краіны.
