Лінкі ўнівэрсальнага доступу

Завершаны асноўны этап апэрацыі на месцы падзеньня расейскага Ту-154, знойдзена 19 целаў


Каля месца трагедыі
Каля месца трагедыі

Ратаўнікі паднялі на паверхню асноўныя фрагмэнты расейскага самалёта Ту-154; абломкі знаходзяцца на адмысловай пляцоўцы, дзе спэцыялісты правядуць «выкладку» паветранага судна.

Як перадае «РИА Новости», асноўная фаза пошукава-ратавальнай апэрацыі на месцы крушэньня лайнэра завершаная. Суразмоўца агенцтва дадаў, што ратаўнікі знайшлі целы 19 загінулых, 17 зь іх ужо дастаўлены ў Маскву для апазнаньня.

У лябараторыі, дзе адбудзецца генэтычная экспэртыза, таксама знаходзяцца выяўленыя фрагмэнты целаў.

Камісія вывучае некалькі вэрсіяў прычын катастрофы, сярод якіх няякасны рамонт самалёта на заводзе, тэхнічныя непаладкі на борце самалёта, памылка пілётаў, тэракт і пападаньне птушак у рухавік. Прыярытэтнай вэрсіі пакуль няма. Спэцыялісты знайшлі тры «чорныя скрыні» самалёта.

Лайнэр Мінабароны Расеі Ту-154 25 сьнежня ўпаў у акваторыі Чорнага мора паблізу сочынскага ўзьбярэжжа. Ніхто з тых, хто знаходзіўся на борце самалёта (92 чалавекі), ня выжыў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG