Прэзыдэнт Румыніі Клаўс Ёханіс без тлумачэньня прычынаў адхіліў прапанаваную сацыял-дэмакратамі кандыдатуру прэмʼер-міністра.
52-гадовая Сэвіль Шайдэх магла б стаць першай у гісторыі краіны мусульманкай, якая заняла такую высокую пасаду.
Некаторыя СМІ мяркуюць, што Шайдэх зьяўлялася асабістай стаўленіцай лідэра сацыял-дэмакратаў Лівіў Драгні, які сам ня можа прэтэндаваць на пасаду кіраўніка ўрада, паколькі ўмоўна асуджаны па справе аб махінацыях на выбарах.
Цяпер Сацыял-дэмакратычная партыя, якая перамагла на выбарах 11 сьнежня, вылучыць новую кандыдатуру прэмʼера.
