Юрыст праваабарончага цэнтру «Вясна» Валянцін Стэфановіч патлумачыў Радыё Свабода, што дзеяньні міліцыянтаў парушалі закон «Аб органах унутраных спраў Рэспублікі Беларусь», дзе вызначаныя падставы для затрыманьня — такімі падставамі, могуць быць падазрэньні ў адміністрацыйным правапарушэньні ці крымінальным злачынстве, але ня сам факт адсутнасьці дакумэнтаў.
Валянцін Стэфановіч кажа, што ў такіх выпадках ня варта супраціўляцца прадстаўнікам міліцыі, але раіць пасьля скардзіцца на іх незаконныя дзеяньні.
Валянтэра даставілі ў Першамайскі РАУС Віцебску, спраўдзілі яго асобу і выпусьцілі. На супрацоўніка міліцыі, які праводзіў затрыманьне, падалі заяву аб неправамоцных дзеяньнях.
