Лінкі ўнівэрсальнага доступу

СМІ: У Сырыю разам з Ту-154, што ўпаў у мора, меўся вылецець другі самалёт


Архіўнае фота

У Сырыю на авіябазу «Хмэймім» разам з Ту-154, які пацярпеў крушэньне, меўся вылецець яшчэ адзін самалёт. Пра гэта са спасылкай на крыніцы паведамляе «Інтэрфакс».

Паводле дадзеных агенцтва, з дапамогай другога авіялайнера плянавалася даставіць у «Хмэймім» рэквізыт для выступу ансамблю песні і танцу імя Аляксандрава, падарункі расейскім вайскоўцам і мэдыкаменты. Ці вылецеў гэты самалёт у Сырыю, не вядома.

Самалёт Ту-154 Міністэрства абароны Расеі пацярпеў крушэньне сёньня раніцай падчас набору вышыні. На яго борце былі 92 чалавекі, большасць зь іх — удзельнікі ансамблю імя Аляксандрава, а таксама кіраўнік фонду «Справядлівая дапамога» Лізавета Глінка, вядомая як Доктар Ліза, і дзевяць журналістаў.

У раёне крушэння лайнэра ў Чорным моры працягваюцца пошукавыя працы. Ратавальнікі знайшлі целы 12 загінулых. Прэзыдэнт Расеі Ўладзімір Пуцін абвясьціў 26 снежня агульнанацыянальным днём жалобы па ахвярах авіякатастрофы.

Вам можа яшчэ спадабацца

XS
SM
MD
LG