Лінкі ўнівэрсальнага доступу

Ужо заўтра пройдуць калядныя кірмашы і канцэрты


Фота ©Shutterstock
Фота ©Shutterstock

Што будзе?

Падчас апошняга пасяджэньня трохбаковай кантактнай групы было прынята рашэньне спыніць ад 24 сьнежня баі на Данбасе. Гэта далёка ня першае замірэньне на Данбасе за апошнія два гады, але ўсе яны былі парушаныя.

Сытуацыя ў зоне баявых дзеяньняў на 23 сьнежня
Сытуацыя ў зоне баявых дзеяньняў на 23 сьнежня

Калядныя кірмашы

«Прастора добрых падарункаў»

У Менску пройдзе калядны кірмаш «Прастора добрых падарункаў». Акрамя гандлёвай часткі, арганізатары анансавалі літаратурна-музычную і забаўляльную праграмы, акцэнт у якіх будзе зроблены на дзетак. Маленькіх наведнікаў чакаюць пачастункі, фатазона, майстар-клясы ад рамесьнікаў, настольныя гульні, вершы і песьні.

Менск, ГЦ «Купалаўскі» (ст. м. Купалаўская / ст. м. Кастрычніцкая).
Пачатак аб 11-й гадзіне.
Уваход вольны.

Handmade-кірмаш «Таямнiцы майстэрства»

На кірмашы зьбярэцца большасьць handmade-майстроў беларускай сталіцы, ня толькі дзеля продажу сваёй прадукцыі, але і шэрагу майстар-клясаў па ганчарстве, скрапбукінгу і росьпісу статуэтак. Наведнікаў таксама чакаюць паказы дызайнэрскіх калекцыяў і творчыя выступы.

Менск, ГЦ «Е-сіці» (вул. Дзянісаўская, 8).
Пачатак а 9-й гадзіне.​

Канцэрты

«Калядны драйв» у Віцебску

Падчас каляднага канцэрту 25 сьнежня ў адноўленым пабе «Торвальд» выступяць гурты Vuraj, «Восьмыдзень» і «Стары Ольса», музыкі якога нядаўна вярнуліся з амэрыканскага туру.

Як сталічны выкладчык перакваліфікаваўся ў правінцыйныя бармэны

Віцебск, арт-паб «Торвальд» (вул. Талстога, 1).
Пачатак у 20:30.
Квіткі каштуюць 10-18 рублёў.

Канцэрт гурту NRM

Музыкі гурту-легенды беларускага року прапануюць разьвітацца з 2016-м годам у кампаніі старых і новых песень. Арганізатары абяцаюць, што канцэрт пройдзе, як сямейная імпрэза, на якую запрошаныя самыя блізкія сябры.

Менск, бар «Графіці» (зав. Калініна, 16).
Пачатак а 19-й гадзіне.
Квіткі каштуюць 12-20 рублёў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG