Лінкі ўнівэрсальнага доступу

Цюрых: нападнік на ісламскі цэнтар знойдзены мёртвым


Паліцыя Цюрыху пацьвердзіла гібель мужчыны, які напярэдадні ўвечары адкрыў страляніну ў ісламскім цэнтры. Яго цела было знойдзена недалёка ад месца злачынства, паведамляе Reuters. Прычыны сьмерці нападніка не ўдакладняюцца.

Ахвярамі страляніны ў Цюрыху сталі тры чалавекі — яны знаходзяцца ў шпіталі. Злачынства ўчыніў 24-гадовы грамадзянін Швайцарыі. Паводле паліцыі, ён ня быў зьвязаны з тэрарыстычнай групоўкай «Ісламская дзяржава». Пры гэтым высьветлілася, што ў нядзелю малады чалавек учыніў забойства.

У Бэрліне вечарам 19 сьнежня адбыўся тэракт на калядным кірмашы: грузавік урэзаўся ў натоўп. Загінулі 12 чалавек, дзясяткі пацярпелі. Паліцыя заявіла аб затрыманьні 23-гадовага ўцекача з Пакістану. Аднак, па дадзеных выданьня Die Welt, затрыманы, магчыма, не датычны да тэракту, а сапраўдны злачынец дагэтуль застаецца на свабодзе.

Вам можа яшчэ спадабацца

XS
SM
MD
LG