Двухразовая чэмпіёнка Ўімблдону Пэтра Квітава параненая нажом ва ўласным доме на поўдні Чэхіі.
Чэская тэнісістка атрымала траўмы левай рукі, якія не пагражаюць жыцьцю. Як паведамляе ВВС, напад адбыўся ў горадзе Простэёве на поўдні Чэхіі.
Паводле прадстаўніка Квітавай, нападнік прабраўся ў дом чэмпіёнкі з мэтай рабаваньня. «Гэта было звычайная злачынства, ніхто не зьбіраўся нападаць або рабаваць яе менавіта як Пэтру Квітаву», — сказаў прадстаўнік чэмпіёнкі.
26-гадовая ляўша займае 11 месца ў сусьветным рэйтынгу і выйграла Ўімблданскі турнір у 2011 і 2014 гадах.
Квітава перамагла канадыйку Эжэн Бушар ў фінале Ўімблдану-2014 і расейку Марыю Шарапаву ў фінале 2011 году.
