Прыхільнікі апазыцыйных партыяў ужо трэці дзень блякуюць працу парлямэнту. Яны патрабуюць новага галасаваньня ў парлямэнце наконт бюджэту на 2017 год і выступаюць супраць зьменаў у працы парлямэнцкіх карэспандэнтаў — кіроўная партыя «Права і справядлівасьць» мерыцца забараніць журналістам доступ на пасяджэньні Сэйму. Пратэстоўцы плянуюць працягваць дэманстрацыі да 20 сьнежня.
У пятніцу на пасяджэньні Сэйму дэпутаты ад апазыцыйных партыяў заблякавалі трыбуну. Нягледзячы на гэта, кіроўная бальшыня прыняла шэраг законаў, перайшоўшы ў іншае памяшканьні. Апазыцыя лічыць праведзенае галасаваньне нелегітымным. Цяпер у залі паседжаньняў Сэйму пастаянна знаходзяцца апазыцыйныя дэпутаты.
Прэзыдэнт Польшчы Анджэй Дуда заклікаў правесьці юрыдычны аналіз пятнічнага пасяджэньня парлямэнту, якое апазыцыя лічыць нелегітымным. У нядзелю Дуда сустракаецца зь лідэрамі апазыцыі для перамоваў, паведамляе польскі тэлеканал TVN24.
Яшчэ на гэтую тэму
Самае папулярнае
1