Шаўкат Мірзіёеў прынёс прысягу на Каране і Канстытуцыі Узбэкістану.
5 сьнежня ЦВК Узбэкістану афіцыйна абвясьціў прэм’ера пераможцам выбараў прэзыдэнта, якія адбыліся 4 сьнежня.
Па дадзеных ЦВК Шаўкат Мірзіёеў атрымаў перамогу, атрымаўшы 88,61% галасоў выбарнікаў.
Пазачарговыя выбары ва Узбэкістане адбыліся пасьля сьмерці прэзыдэнта Іслама Карымава на 79-м годзе жыцьця.
Першыя паведамленьні пра яго сьмерць зьявіліся яшчэ 29 жніўня. Афіцыйна пра сьмерць прэзыдэнта Узбэкістану паведамілі толькі 2 верасьня.
Карымаў займаў сваю пасаду амаль 27 гадоў.