У заяве міністэрства абароны ЗША 25 лістапада ўдакладнілі, што гаворка ідзе пра 42-гадовага старшыну Скота Дэйтана, родам з горада Вудбрыдж у штаце Вірджынія.
Паведамляецца, што Дэйтан быў сябрам брыгады па абясшкоджваньні бомбаў і ўдзельнічаў у апэрацыях шматнацыянальных сілаў супраць баевікоў у рэгіёне.
Ён загінуў 24 лістапада пасьля раненьня, атрыманага ад падрыву самаробнай выбухоўкі ў раёне горада Айн-Іса на поўначы Сырыі.
Дэйтан стаў першым вайскоўцам ЗША, забітым у Сырыі, з моманту разгортваньня кантынгенту сілаў спэцыяльных апэрацыяў у краіне ў кастрычніку 2015 году.
