Француская паліцыя раскрыла тэрарыстычную групоўку, якая плянавала шэраг нападаў. Як паведаміў міністар унутраных спраў Францыі Бэрнар Казьнеў, у Страсбуры і Марсэлі арыштавана сем чалавек.
На працягу выходных адбыліся затрыманьні падазраваных — францускага, мараканскага і аўганскага паходжаньня, паведаміў міністар. Паводле яго слоў на францускім тэлебачаньні, гэта дазволіла прадухіліць даўно заплянаваны тэракт.
