Па яго словах, Вашынгтон працягне выконваць «акт Магніцкага», які прадугледжвае санкцыі супраць расейскіх службовых асобаў, якія маюць дачыненьне да сьмерці юрыста.
Магніцкі памёр у сьледчым ізалятары «Матроская цішыня» 16 лістапада 2009 году. Яго абвінавачвалі ў датычнасьці да ўхіленьня ад выплаты падаткаў у фондзе Hermitage Capital Management міжнароднага фінансіста Ўільяма Браўдэра. Магніцкі сьцьвярджаў, што яго арыштавалі праз заявы аб карупцыі ў расейскіх урадавых колах.
У 2012 годзе Злучаныя Штаты ўвялі санкцыйны сьпіс, у які ўнесьлі людзей, як мяркуецца, датычных да сьмерці юрыста. Фігурантам «сьпісу Магніцкага» забаронены ўезд у ЗША. У Крамлі рашэньне Вашынгтона назвалі палітызаваным.
Злучаныя Штаты па-ранейшаму патрабуюць прыцягнуць да адказнасьці вінаватых у гібелі юрыста фонду Hermitage Capital Management Сяргея Магніцкага ў маскоўскім сьледчым ізалятары сем гадоў таму. Пра гэта заявіў афіцыйны прадстаўнік Дзяржаўнага дэпартамэнту ЗША Джон Кірбі.
Яшчэ на гэтую тэму
Самае папулярнае
1