Гэтая арганізацыя працуе для прасоўваньня вяршэнства права ва ўсім сьвеце.
Беларусь набрала ў індэксе 0, 54 бала, дзе пункты ў дыяпазоне ад 0 да 1 сьведчыць аб самай моцнай прыхільнасьці да вяршэнства закона. З гэтым паказьнікам Беларусь знаходзіцца пасьля Манголіі і Малайзіі, абагнаўшы Туніс, Сурынам і Марока.
У параўнаньні зь мінулым годам рэйтынг Беларусі палепшыўся на дзьве пазыцыі.
Сярод суседзяў Беларусі найлепшае месца ў Польшчы — 22-е. Украіна на 78-м, Расея заняла 92-ю прыступку сьпісу. Літва і Латвія ў рэйтынгу не прадстаўлены. Самае моцнае захаваньне законнасьці ў сьвеце: ў Даніі (0,89), далей ідуць Нарвэгія (0,88) і Фінляндыя (0,87).
Індэкс World Justice Project складаецца з улікам васьмі паказьнікаў: абмежаваньні ўрадавых паўнамоцтваў, адсутнасьць карупцыі, адкрыты ўрад, асноўныя правы, парадак і бясьпека, правапрымяненьне нарматыўных актаў, грамадзянскае судаводзтва і крымінальная юрыспрудэнцыя.
